Plantun de Prouvènço

Pèr coumpara dos planto d'encò nostre

Carum carvi & Elodea nuttalii

Càrvi

Carum carvi

Apiaceae Umbelliferae

Àutri noum : Charui, Charièi, Charuei, Chervi, Cherui.

Noms en français : Carvi, Cumin des prés.

Descripcioun :
Lou càrvi (o charui e si varianto dins lis Aup) es uno fino Apiaceae que trachis dins li prado de mountagno. La cambo èi boutisso, la racino blanco en fusèu e óudouranto, e li fueio primo, dous à tres cop divisado e penado. Li fru de 3 à 4 mm sènton bon lou cumin.

Usanço :
Lou grun (fru) de càrvi èi couneigu pèr èstre un bon sabourun, s'emplego dins d'ùni relarg pèr douna de goust i tian, froumage e aigardènt... Li fueio soun manjadisso, en Savoio n'en fasien de soupo (siècle XIXen) ; au nostre se manjavo li racino. L'òli de grun de càrvi èi bono pèr tout ço que toco la digestioun, majamen contro li doulour de vèntre. Èi bon peréu contro lou tussi e pèr faire veni lou la dins li teté.

Port : Erbo
Taio : 30 à 60 cm
Fueio : alterno
Tipe bioulougico : Emicriptoufite
Cicle bioulougico : Renadivo mounoucarpico

Gènre : Carum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : Vo
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Prado - Camin
Estànci : Mountagnard à Subaupen
Couroulougi : Éurasiatico
Ref. sc. : Carum carvi L., 1753

Eloudèio(-de-Nutall)

Elodea nuttalii

Hydrocharitaceae

Noms en français : Élodée à feuilles étroites, Élodée de Nuttall.

Descripcioun :
Aquesto eloudèio d'óurigino americano s'atrobo dins li canau de la valado dóu Rose e de plano de coustiero. Fai de lòngui fueio (8 à 20 mm) estrecho e groupado pèr dos o tres.

Usanço :
Es uno planto envahissènto dins d'ùni relarg, mai pas encaro de trop au nostre. Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 150 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Elodea
Famiho : Hydrocharitaceae

Ordre : Alismatales

Coulour de la flour : Blanco
Petalo : 3
Ø (o loungour) flour : 1,5 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Jun à avoust

Liò : Aigo - Canau - Roubino - Ribiero
Estànci : Termoumediterran à Mountagnard
Couroulougi : Óurigino Americo-Nord
Ref. sc. : Elodea nuttalii (Planch.) H.St.John, 1920

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carum carvi & Elodea nuttalii

ges

Coumpara Càrvi emé uno autro planto

Coumpara Eloudèio(-de-Nutall) emé uno autro planto